SATE sistema (Kanpo Isolamendu Termikorako Sistema) fatxaden isolamendu erabilienetako bat da. Kalitate-prezioa erlazioa ona eta instalatzen erraza denez, isolamendu termikoko sistema gomendatuenetako bat da auzokideen eraikinetarako.
Fatxada bat birgaituz gero alderdi estetiko berritua erakustea lortuko dugu. Baina, zalantza izpirik gabe, garrantzitsuena eraikinaren ezaugarri tekniko berriak dira, isolamendu termikoari eta akustikoari dagokionez. SATE sistema fatxada bat birgaitzeko gaur egungo sistemarik onena da, eta, aldi berean, isolamendu termiko bikaina ere ematen du.
Hainbat azterlanek erakutsi dute fatxada SATErekin birgaituz gero, auzokideentzat faktura energetikoa % 40 inguru merkatzen dela neguan, eta % 30 udan. Horri gehitu behar zaio testura eta koloreen eskaintza zabala duela; hala, fatxada bat termikoki isolatzeko sistemarik erabiliena da.
SATE sistemaren testurak eta koloreak hautatu ondoren, sistema enpresa espezializatuek ezarri behar dute. Lehenengo eta behin eraikinaren fatxada erreferentzia gisa hartu behar da. Horretan zenbait plantxa isolatzaile jarri behar dira, adostutako lodierakoak. Plaka horiek itsasgarri gogor eta tapoi plastiko bidez itsasten dira.
Plaka horien gainean langileek indartzeko motrailua aplikatuko dute; ondoren azalera lisatu behar da; geruza horri oinarrizko geruza deitzen zaio. Geruza horrek 2 mm inguruko lodiera izaten du, eta isolamendu gainean jartzen da. Fatxadan prestazio mekanikoak emango dituen zatia izango da, motrailuaren bigarren geruzaren aurretik jarri behar den indartzeko sareari esker.
Oinarrizko geruzaren gainean estaldura apaingarri bat aplikatzen da, urari dagokionez iragazgaitza eta transpiragarria; hainbat tonu, testura eta kalitatetan eskain daiteke.
Estaldura horren garapen teknologikoari esker, iragazgaiztasun maila altua ematen du eta, gainera, ur lurrunaren transpiragarritasun handia lortzen da; hortaz, materialaren iraunkortasuna eta fatxada birgaitzean aukeratutako tonua mantentzea bermatzen da.
JARRI GUREKIN HARREMANETAN
Kontaguzu zure ideia !
Bete inprimakia eta lehenbailehen zurekin harremanetan jarriko gara.
Edo deitu egiguzu: