Urari pasatzen uzten ez dion edozein material da iragazgaizteko material bat, babesten duen azaleraren gainean aterki gisa jokatuz. Artikulu honetan iragazgaizteko material motak, zer diren eta haien efektuak zenbat irauten duen aztertuko dugu.
Etxebizitza baten zona bat irazgaiztu nahi badugu, gure kasurako materialik aproposena aukeratzeko, bada materiala jasoko duen paramentuaren osaera jakin behar dugu, baita ezaugarri isolatzaileak ere. Paramentuak ez badauka aski isolamendu termiko eta aire ganbera, orduan ez da komeni transpiragarria ez den produktu bat aplikatzea, horrek kondentsazioak eragin ahal dituelako barrualdeetan..
Hona hemen azalerak iragazgaizteko material ohikoenak eta propietateak mantenduz daukaten iraupena. Horretarako, lau taldetan banatu ditugu, izaeraren arabera: sintetikoak, naturalak, harrizkoak eta metalikoak.
Iragazgaizteko lau material erakutsiko ditugu: sintetikoak, naturalak, harrizkoak eta metalikoak.
Iragazgaizteko material sintetikoak
- Asfaltozko geruzak. Zalantza izpirik gabe, iragazgaizte bituminosoen erreginak dira, petroliotik eratorritakoak. Fabrikatzaileak bermatutako iraupena 10 urte baino gehiagoko da.
- Iragazgaizteko material nanoteknologikoak. Gure artean geratzeko iritsi berri den iragazgaizteko materialen familia berria da. Eskala atomikoan jarduten duen formulazioarekin egindako produktuak dira. Pauso tinkoz dator, eta aplikatzen den azaleraren estankotasuna bermatzen du; transpiragarritasuna 10 urtez bermatzen du.
- Erretxina polimerikoak, beroan aplikatzen direnak, esaterako Poliurea. Fabrikatzaileak egiaztatutako 25 urteko iraupena. (EETD)
- Hotzean aplikatzen den poliuretanoa 50 urte baino gehiagoko iraupena dauka eguralditik babestuta badago.
- Erretxina akrilikoak, hotzean aplikatzekoak. Fabrikatzaileak egiaztatutako 3 eta 10 urte arteko iraupena du, formulazioaren arabera.
- Resina Epoxi, hotzean aplikatzekoa. Fabrikatzaileak egiaztatutako 3 urteko iraupena.
- Lamina iragazgaitz transpiragarriak. Zuntzez osatutako oihal plastikoz osatuta dago, eta wind-stopper jaken moduan funtzionatzen dute, iragazgaizten dute baina transpiragarriak dira. Ez daude diseinatuta zuzenean eguraldiaren eraginpean egoteko, baina oso ondo funtzionatzen dute osagai modura zeramikazko estalki baten azpian, adibidez. Ez dira denboraren poderioz hondatzen.
Iragazgaizteko material naturalak
Erabiliena latexa da. Landareen erreinutik dator, eta bestelako konposatuak ere ekarri ditu:
- Klorokautxua, eguraldiari aurre egiteko propietate egonkorragoekin. Hotzean aplikatzen da. Fabrikatzaileak egiaztatutako 3 urteko iraupena.
- EPDM, etilenozko kautxua, hotzean aplikatzekoa. Fabrikatzaileak egiaztatutako 5 urteko iraupena.
Harri izaerako iragazgaizteko material inorganikoak
- Hargintzako materialak, esaterako arbela edo granitoa, ez dira horren ohikoak baina horien adibide ederra daukagu Santiago de Compostelako katedralaren estalkian. Gutxieneko mantentze lanak eginez iraupena 50 urtetik gorakoa da.
- Silikona silizetik datorren material bat da eta egoera likidoan iragazgaizteko material modura erabiltzen da; fabrikatzaileak egiaztatutako 3 urteko iraupena du.
- Iragazgaizteko material zeramikoak, esaterako teilak. Iragazgaizteko propietateak mantentzen dituen produktu ekologikoa da, eta lehenengo 10 urteetan fabrikatzailearen bermea du.
- • Zementu estilokoak. Zementutik eratorritako iragazgaizteko materialek beste familia handi bat osatzen dute; makina bat formulazio daude, eta den-denak izendatzeko vademecum bat beharko genuke. Iragazgaizte mota honek 3 urteko hasierako bermea dauka, baina sistema konplexuak ere egin daitezke, iraupen luzeagoekin. Transpiragarria izan daiteke edo ez, produktu bakoitzaren fitxa teknikoa begiratu behar da.
- Fibrozementua. 1900. urtean diseinatu zen zementutik eratorritako konposatu gisa, amiantozko indartze zuntzak gehituz. Gaur egun indartzeko erabiltzen diren zuntzak beirazkoak dira. 50 urte baino gehiago irauten du iragazgaizteko material modura.
Metalezko iragazgaizteko material inorganikoak
Gaur egun oso ohikoak ez diren arren, Bizkaian badira zink, kobre, aluminio natural edo lakatu, berun, altzairu herdoilgaitz, zinkatu edo galbanizatuko estalkiak, baita titaniozkoak ere! Kobrezko estalkien adibide eder bat Arriaga Antzokiaren estalkian daukagu, Bilbon.
Multi-license with GFDL and Creative Commons CC-BY 2.5
Ikus dezakezuen moduan, merkatuan iragazgaizteko produktu, metodo eta aplikazio ugari daude eskura. Jar zaitez gu bezalako profesionalekin harremanetan, eta kezkatzen zaituen iragazgaiztea konpontzeko sistemarik aproposena aukeratzen lagunduko dizute.
Artikulu hau gustatu bazaizu, partekatzera animatzen zaitut. Eta, nahiago baduzu hurrengo artikuluak posta elektronikoz jaso, egin klik hurrengo irudian e-mailez harpidetzeko:
Mila esker bisitagatik!
